Cordeiro Ernesto Nzakundomba – “Nkwa nkindu, muna salu”

Tata Cordeiro Ernesto NZAKUNDOMBA wa wutukila kua Makela do Zombo kya kala mu lumbu kya ntete kya ngode ya tanu, muna mvula funda di mosi ye nkama vwa ye makumaya. Mwana tata Muchomco ye mama Luleko Susana.

Wayantika lulongoko kuna BMS Kibokolo, kuna zunga kya Zombo, ye manisa malongi kuna Kongo Belezi tuka ku BMS-Kibentele  ye BMS Ngombe Matadi.

Wa yantika longa kuna zunga kya Kyendi,  muna mvula funda di mosi ye nkama vwa ye makumasâmbanu ye zole. Muna Mvula makumasâmbanu ye vwa, wewle ku Kwulu Ngongo, muna mvula lu nsabwadya ye tatu fidilu kuna Kinsasa, mu ka bakila e nzila. Kotele ku Ngola mua mvula lunsambwadya ye ya. Wakangama ye kota boloko kuna Mbanza ya Wizi, wa yenda vayikiswa kuna Ndamba kya kala lumbu kya sâmbanu muna ngonde ya kumi ye mosi mu mvula ya lunsambwadya ye tanu, wa yenda swama kuna Mbanza Nkusu, ye kina kya kala muna lumbu kya makimole ya ngonde ya ntete, muna mvula lunsambwadya ye sâmbanu ya yenda bongwa mu kotela muna vevolo a nkangu kuna zunga kya Kibokolo, Makela, Kwimba ye Mbanza a Kongo, bosi ka vutuka kuna Zombo muna Mvula ya Lunsambwadya ye Nsambwadya. Ka kala mfumu vena Makela, muna mvula lunsambwadya ye nana, wa solwa ka kala mfumu muna kimvuka kya mbumba, kya MPLA, mu Zunga kya Wizi ya mvimba.

• Muna mvula ya lunsambwadya ye nsambwadya, mu kota muna malongi ma mbumba kuna Mbanza ya Wizi.
• Muna mvula ya lansabwadya ye vwa, ye wenda longwa e ndwaninu e sadi kuna nsi ya URSS.
• Malongi ma nwanina e salu ku nsi ya Tchecoslóvaquia muna mvula ya lunana.
• Mo yo mpe mvula, ka kota muna malongi ma salu kuna nsi ya Polónia.
• Malongi ma nkadilu a wuntwadi kuna nzo ya lulongoko kya kimvuka kya MPLA, tuka mvula lunana ye nana ye mvula luvwa.
• Wakala mpe nkwa kimvuka kya salu ye ngwuilu a mazandu kuna nsi ya Ngipitu, muna mvula lunana ye tatu.
• Wakala mpe nkwa kimvuka kya salu mya vovana ye wizana mu afilika – Zambia.

Ka sala ku Mbanza ya Wizi, nsoniki wa ntete, kya kimvuka kya a sadi, bosi kayenda kuna Luanda, mu vingila e Pascoal Luvualu, wean fulu kya Nsoniki wa ntete ya Ngola muna kimvuka kya salu.

Yandi wa sala e yi mvuka ye yi mvuka ya salu ya yingi mu Ngola. Muna mvula ya lunana ya ya ka vutuka kuna Mbanza ya Wizi, wu ka kituta e nsoniki wa ntete kya kimvuka kya MPLA, ye kala e nguvulu tuka e mvula ya luvwa ye ya ye lunana ye vwa. Wa sisa e kyo fulu kwa nguvulu wayiza kuna kimvuka kya mbumba UNITA, mu dyambu dya moko kya luvúvamu ya manisilu a nkindu.

Muna mvula ma funda mole ye ya, wa solwa kakaka m’povi muna nzo ya kinzonzi.